Në Komisionin për punë dhe politikë sociale në Kuvendin e Maqedonisë sot është diskutuar rritja e pagës minimale. Megjithatë seance është ndërprerë nga ana e deputetëve të VMRO-DPMNE-së, dhe nuk dihet kur e njëjta do të vazhdojë, njofton Europort.mk.
Fillimisht kryetari i komisionit, Vllatko Gjorçev caktoi dy pauza, diskutoi për një kohë të gjatë dhe më pas u largua duke i lëshuar udhëheqjen e seancës nënkryetares Vesna Pemova, që vjen poashtu nga VMRO-DPMNE.
Kjo e fundit pasi diskutoi vetë dhe kur u shter lista e të paraqiturve për diskutim, pa e vendosur ligjin në votim e ndërpreu seancën. Ky vendim shkaktoi revoltë tek deputetët e shumicës, por Pemova e mbylli seancën dhe tha se do ti njoftojë deputetët për vazhdimin.
Siç dihet propozimi i Qeverisë është që nga dhjetori rroga minimale të bëhet 14.500 denarë./Europort.mk/