Presidenti i Maqedonisë së Veriut Stevo Pendarovski mbrëmë ka qenë i pranishëm në darkën në vigjilje të Forumit të Paqes në Paris, ndërsa është pritur nga presidenti francez, Emanuel Makron.
“Sonte kisha nderin të marrë pjesë në darkë, në vigjilje të Forumit Paqësor të Francës, bashkërisht me burrështetasit dhe pjesëmarrës të Forumit, në të cilin do të diskutojmë për nevojën e zgjedhjeve të përbashkëta për ballafaqimin me sfidat globale”, shkruan Pendarovski.
Siç mësohet, Pendarovski sot (e martë) në mesditë do të zhvillojë takim me presidentin francez. Ai do të qëndrojë në Paris deri nesër më 13 nëntor, ndërsa gjatë ditës së sotme do të ketë fjalim në Forumin Paqësor të Parisit. Në këtë ngjarje po marrin pjesë mbi 30 shefa të shteteve dhe qeverive, mes të cilëve edhe presidenti i Kosovës, Hashim Thaçi.