Debati i ashpër për të falimentuarit zvarrit rritjen e pagës minimale

Komisioni për punë dhe politikë sociale ku në rend dite është propozimi për rritjen e pagës minimale nuk arriti të miratojë as rendin e ditës si pasojë e përplasjes verbale mes pushtetit dhe opozitës. Pas hapjes së mbledhjes, deputeti Samka Ibrahimovski kërkoi që në rend dite të vendoset edhe ligji për dëmshpërblimin e punëtorëve të kompanive të falimentuara. Kryetari i komisionit, Vllatko Gjorçev, në përgjigjen e tij kërkoi që fillimisht për këtë ligj të dakordohen kordinatorët dhe mos të tentojë shumica ti mbivotojë. Në të kundërtën ai tha se opozita ka mekanizëm ti zvarrisë të gjitha procedurat. Kjo përgjigje ngjalli debat të ashpër mes deputetëve të LSDM-së dhe VMRO-DPMNE-së. Të parët akuzuan opozitën se po bllokon një ligj që është në dobi të qytetarëve dhe kërkuan vendosjen në rend dite të ligjit për të falimentuarit. Më pas deputetët e VMRO-DPMNE-së thanë se rregullorja nuk lejon që të vendoset në seancë të re një pikë që është në lexim të dytë në një seancë tjetër. Deputeti Ibrahimovski më pas kërkoi që pas përfundimit të seancës ku në rend dite është paga mimimale, të thiret seanca tjetër ku në rend dite është ligji për të falimentuarit. Pas përplasjeve të shumta, me kërkesë të disa deputetëve kryetari i komisionit dha pauzë prej gjysëm ore për tu kordinuar rreth propozimeve të deputetëve.