Qeveria sot përmes një kumtese i informon qytetarët se opozita përmes kryetarit të partisë politike të VMRO-DPMNE-së, Hristijan Mickoski bën presion ndaj institucioneve me ç’rast aktivitetet e organizuara për kthim të qytetarëve të Maqedonisë në vendin tonë dhe për akomodimin e tyre në karantinë shtetërore i quan “shkatërim i shtetit”.
“Njëherit kryetari i VMRO-DPMNE-së mbrëmë me porosi direkte përmes aplikacionit Telegram dërgoi akuza të pabaza dhe presion ndaj sekretarit të përgjithshëm të Qeverisë Dragi Rashkovski, duke i kualifikuar aktivitetet qeveritare si “turp” ndërsa njerëzit të cilët i organizojnë aktivitetet si “hajdutë” dhe në të njëjtën kohë duke shpifur për “provizione” për organizim e transportit me aeroplan dhe autobus”, thuhet në kumtesën qeveritare.
Qeveria e RMV-së, në emër të llogaridhënies dhe sinqeritetin të cilin çdo ditë e tregon në komunikimin e tij publik, në tërësi e publikon komunikimin me të cilin Hristijan Mickoski ka komunikuar me Dragi Rashkoskin, si dhe të gjitha informatat, procedurat dhe marrëveshjet përmes të cilave bëhet organizimi i transportit të qytetarëve tanë nga vendet e huaja në Maqedoninë e Veriut, transportit nga aeroporti deri te objekti/hoteli si karantinë shtetërore dhe akomodimi në karantinën shtetërore.
Qeveria i bën thirrje kryetarit të VMRO-DPMNE-së me kujdes t’i shikojë faktet e prezantuara, të ndalet me presionin ndaj institucioneve, të ndalet me përhapjen e dezinformatave se ndihma për qytetarët është turp dhe t’i përdorë resurset partiake të cilat janë pjesë e Qeverisë teknike dhe të cilët kanë votuar Pro ndihmës së tillë për qytetarët, që me të vërtetë t’i ndihmojë vendit dhe popullit në këto kohë të rënda.
Procedura për organizim të transportit dhe karantinës shtetërore të qytetarëve të Maqedonisë zhvillohet sipas vendimeve dhe urdhërave të Qeverisë të votuar edhe nga ministri i Punëve të Brendshme, i cili është nga radhët e VMRO-DPMNE-së, ndërsa e njëjta duket kështu:
01. Fluturimet nga vendet prej ku vijnë bashkëqytetarët tanë në Maqedoninë e Veriut i realizon aviokompania VizAir, kompani e zgjedhur sipas kritereve për çmim më të ulët, ndërsa e paraqaitur në thirrjet publike të Qeverisë.
02. Çdo qytetar i Maqedonisë i cili kthehet në vendin tonë me transport të cilin e organizon Qeveria ka obligim vetëm ta paguajë biletën, me ç’rast çmimi i tërësishëm i çarter fluturimit i cili arrin rreth 32.000 euro ndahen me numrin e pasagjerëve në aeroplan. Për shembull, çmimi i fluturimit nga Munihu deri në Shkup arrinte rreth 190 euro për udhëtar.
Qytetarët të cilët kthehen në vend kontaktohen nga MPJ një ditë përpara, me ç’rast i marrin të gjitha informatat në lidhje me transportin dhe me karantinën shtetërore, duke e përfshirë edhe çmimin dhe kushtet e transportit.
03. Gjatë zbritjes në aeroportin e Shkupit, për qytetarët është organizuar transport me autobus nga transportues i autorizuar i zgjedhur në thirrjen publike, me autobusë nga kompani e çertifikuar. Qytetarët gjatë zbritjes marrin informacion se në cilin lokacion është siguruar karantina shtetërore ku do të dërgohen. Pastaj autobusët janë siguruar me shoqërim policor, ndërsa shoferët janë me skafanderë dhe pajisje mbrojtëse. Në thirrjen për operator i cili do të sigurojë transport të autobusit për qytetarët nga aeroporti deri te karantinat shtetërore, kompania e vetme që u paraqit ishte “Vardar ekspres”, kompani e cila i plotëson kushtet, disponon me 20 autobiusë në momentin e njëjtë, duke e marë parasysh se gjatë zbritjes së dy aeroplanëve në të njëjtën kohë, ajo është shifra e nevojshme e mjeteve transportuese për numrin e mundshëm të tërësishëm të pasagjerëve.
04. Qytetarët e Maqedonisë të akomoduar në karantina shtetërore i shfrytëzojnë kapacitetet e objekteve/hoteleve të cilët janë paraqitur në thirrjen publike të Qeverisë (https://vlada.mk/node/20642). Bëhet fjalë për kapacitet të siguruar prej 2104 shtretërve për momentin në tërë shtetin, në 19 objekte akomoduese, ndërsa prej tyre deri tani janë shfrytëzuar rreth 1.200 shtretër.
Qytetarët e vendosur në karantinat shtetërore nuk janë kërcënim për askënd, ndërsa objektet i ruajnë policia dhe ushtria. Asnjë qytetar në karantinë shtetërore në periudhën prej 14 ditëve nuk guxon ta lëshojë dhomën, as objektin, ndërsa secili kat i të gjitha objekteve rreptësisht kontrollohet dhe sigurohet nga ushtria dhe policia. Për secilin prej tyre është bërë anketë epidemiologjike dhe është përcaktuar regjim përkatës në objektin e karantinës i cili tërësisht është siguruar dhe i kontrolluar.
“Qeveria e RMV-së do të vazhdojë me sinqeritet dhe në kohë t’i publikojë të gjitha informatat e lidhura me koronavirusin në vendin tonë si prioritet i lartë, ndërsa në të njëjtën kohë apelon te partitë politike të heqin dorë nga përfitimet e përditshme politike. Njëkohësisht, Qeveria apelon te kryetari i VMRO-DPMNE-së Hristijan Mickoski të ndalet me presionin, të përfshihet në luftën e përbashkët kombëtare me koronavirusin, t’i dorëzojë të gjitha propozimet e partisë së tij përmes përfaqësuesve të VMRO-DPMNE-së në Qeveri, ndërsa nëse ka dyshime ose dëshmi për ndonjë keqpërdorim, të njëjtën menjëherë ta paraqesë te institucionet e sistemit të Maqedonisë”, thuhet në kumtesën qeveritare.
