Edhe pse u vlerësua si e qetë nga autoritetet kompetente, nata e ndërrmit të moteve megjithatë nuk kaloi pa incidente dhe të lënduar. Fatmirësisht festa e fundvitit nuk ka marrë asnjë viktimë. Ekipet e kujdestarisë në Qendrën emergjente në Shkup kanë njoftuar se si pasojë e fishekzjarreve, aksidenteve në komunikacion dhe incidenteve të tjera, 105 persona kanë marë lëndime fizike dhe kanë kërkuar ndihmë nga ekipet e kujdestarisë njofton drejt.mk.
“Gjatë natës së mbrëmshme, në Qendrën Emergjente janë mjekuar 105 pacientë. Nga to, 7 pacientë janë lënduar në komunikacion dhe 3 janë me lëndëdime më të lehta nga mjetet piroteknike. 13 pacientë janë shtruar në Klinikë, 1 pacientë prej tyre u dërgua në spitalin e Qytetit ‘8 Shtatori’, me lëndim nga një objekt i mprehtë në zonën e qafës. Të gjithë pacientët janë në gjendje stabile”, njoftoi mjeku Albert Lleshi, nga Qendra Emergjente në Shkup.
Përveç tyre ekipet kujdestare mjeksore gjatë natës së kaluar kanë pranuar edhe 29 pacientë të cilët e kanë tepruar me konsumimin e alokoholit, ndërsa më i riu prej tyre ka qenë 14 vjeçar.
“Gjatë natës së Viti të Ri, në Klinikën Universitare për toksikologji u mjekuan gjithsej 29 persona nga dehja e alkooolit. prej tyre, pacienti më ri ishte 14 vjeçar, kurse më i moshuari 63. Nuk ka pasur rritje të dozës me substancave psikoaktive dhe nuk ka pacientë ën komë. Të gjithë pacientët pas qëndrimit të disa orëve dhe trajtimit në Klinikë janë lëshuar në shtëpi”, deklaroi mjekja Irina Jurukov, nga klinika e Toksikologjisë në Shkup.
