LSDM-ja javën e ardhshme do të vendos dhe do t’i shqyrtojë zgjidhjet kadrovike për qeverinë e re teknike, deklaroi sot kryeministri dhe lider i LSDM-së, Zoran Zaev pas hapjes së shkritores “Kranfild Faundri” në Probishtip.
“Qëllimi ishte që në këshillin e fundit qendror diku nga mesi i dhjetorit të shqyrtohen zgjidhjet kadrovike. Unë besoj se javën e ardhshme do të mund të flasim për zgjidhjet tona kadrovike”, tha Zaev.
Ai nuk precizoi dhe nuk publikoi emra, të cilët do ta merrnin pozicionin e kryeministrit teknik, por edhe të zgjidhjeve tjera kadrovike, që do të hyjnë në qeverinë e re teknike nga radhët e LSDM-së.
