Komiteti i Helsinkit për të drejtat e njeriut dhe Universiteti i Evropës Juglindore sot organizuan projeksion të filmit dhe diskutim me rastin e Ditës ndërkombëtare të të drejtave të njeriut. U shfaq filmi dokumentar “Përballja me dragoin” të autores Sedika Mohadidi nga Afganistani, ndërsa pas projeksionit vijoi diskutimi me pjesëmarrjen e profesoreshës Besa Arifi, kryetarja e Forumit të gruas Tetovë, Xhane Kreshova dhe kolumnistja Adelina Marku si dhe studentë dhe të pranishëm të tjerë.
“Fokusi i diskutimit ishte për gratë në politikë, si ndikim i angazhimit të tyre në politikë, me cilat sfida dhe paragjykime përballen, si përballen me shoqëritë patriarkale… Është bërë paralele me shembujt e grave nga Afganistani, dallimi në jetën këtu dhe atje në mjedis rural dhe urban, në qarqet politike…”, ka thënë Tanja Stoimenovska nga Komiteti i Helsinkit.
“Përballja me dragoin” është film dokumentar me dy protagonistë, gazetare dhe politikane. I shpjegon sfidat e tyre të jetesës dhe punës në Afganistan. Festivali vazhdon edhe në ditët në vijim me projeksionet e filmave dokumentarë në Shtip, Manastir dhe Shkup. /Medial/