Brenda një nate, Sektori për Punë të Brendshme në Tetovë ka ndaluar shtatë persona tek të cilët është kapur marihuanë dhe mbetje të kokainës, njofton Europort.mk. Në mesin e tyre ka dhe një të mitur 16 vjeçar. Personat e kapur me narkotikë në rajonin e Tetovës dhe Gostivarit janë shoqëruar në polici për dokumentim të rastit, njofton zëdhënësi i SPB Tetovë, Fatmir Rexhepi.
Mbrëmë (24-nëntor) rreth orës 20 e 50 minuta, në rrugën regjionale Tetovë-Shkup, në hyrje të fshatit Saraqinë e Tetovës, pjestarët e policisë nga Sektori për punë të brendshme-Tetovë, kanë privuar nga liria 32-vjeçarin M.M., 24-vjeçarin M.A. dhe 31-vjeçarin B.A., që të tre nga fshati Trebosh i Tetovës, për arsye se gjatë kontrollit të kryer ndaj tyre dhe veturës së tyre ,,BMW,, me targa të Tetovës, me të cilën kanë qenë duke lëvizur, është gjetur marijuanë.
Pas dokumentimit të plotë të rastit, kundër tyre do të përgaditet parashtresa adekuate.
Mbrëmë (25-nëntor) rreth orës 00 e 30 minuta, në fshatin Bogovinë e Tetovës, pjestarët e policisë nga SPB-Tetovë kanë privuar nga liria 21-vjeçarin O.H., 24-vjeçarin E.R. dhe 23-vjeçarin Sh.S. të tre nga fshati Vrapçisht i Gostivarit. Gjatë kontrollittë kryer ndaj tyre dhe veturës ,,Audi A7,, me targa të Sllovakisë, me të cilën kanë qenë duke lëvizur, është gjetur marijuanë dhe mbetje të kokainës, me çrast janë sjellur dhe mbajtur në Stacionin policorë Tetovë.
Pas zbardhjes dhe dokumentimit të rastit, do të pasojnë edhe parashtresa adekuate.
Në rrugën ,,Boge Veljanovski,, në Gostivar, mbrëmë (24-nëntor) rreth orës 20 e 45 minuta, pjestarë të policisë nga SPB Tetovë, kanë privuar nga liria një 16-vjeçar nga Gostivari, tek i cili gjatë kontrollit është gjetur marijuanë.
Në prezencë të një familjari të afërm, është sjellur në Stacionin policorë Gostivar, për zbardhjen e plotë të rastit.
