Me rastin e 100 vjetorit të Traktatit të Versajës që shënoi përfundimin e Luftës së Parë Botërore, me 21 Nëntor me fillim në ora 12:00, Komuna e Çairit ka organizuar Akademi Solemne për nder të figurës së shquar të asaj kohe, Presidentit Amerikan Woodrow Wilson, njofton Europort.mk. Me këtë rast do të bëhet edh shpalosja e bustit të presidentit Wilson, para ndërtesës administrative të Komunës së Çairit.
Të pranishëm në këtë ngjarje me peshë të madhe do të jenë delegacion nga Qyteti i Stauntonit që është vendlindja e Presidentit Wilson dhe personalitete të shquara të udhëheqësisë shtetërore dhe të korit diplomatik.
“Presidenti Wilson gjatë Konferencës Paqësore të Parisit që kishte si rezultat nënshkrimin e Traktatit të Versajës, doli në mbrojtje të së drejtës së popujve të vegjël të Ballkanit për vetëvendosje, prandaj meriton sot lartësimin e përkujtimin tonë!”, thuhet në njoftimin e Komunës së Çairit.
A. Zeqiri /Europort.mk/
