Në vigjilje të festave të Nëntorit, më 21 Nëntor (e enjte) me fillim në ora 16:00 në ambientet e Shkollës Fillore “Dituria” në Saraj promovohet vepra “Kultura dhe mësimi te Albanët-Pellazgët dhe Shqipetarët nëpër epoka dhe kohë” e autorit Abedin Krosi, veteran i zgjedhur i arsimit, njofton europort.mk. I lindur në fshatin Rashçe Abedin Krosi si punëtor i arsimit fillimisht si mësues në fshatin e lindjes, krahas punës praktike, edukativo-arsimore, ai detajisht e studioi të kaluarën e ndritshme të të parëve tanë, ku si produkt i studimeve botoi librin me titullin “Kultura dhe mësimi te Albanët-Pellazgët dhe Shqipetarët nëpër epoka dhe kohë”.
Fragment nga parathënia e librit:
Ky punim është një separat i veprës “Pellazgo-Shqiptarët” i plotësuar dhe i përshtatur për nevojat e zhvillimit të shkencës historike, albanologjike dhe pedagogjike, si zbrazëtirë e madhe jo vetëm për shqiptarët, por edhe për të gjithë popujt indo-evropian.
Dituritë shkencore për të vërtetën historike të albanëve-pellazgëve dhe shqiptarëve, duke u nisur nga mbishkrimet gurore të zbuluara dhe të deshifruara me anë të gjuhës shqipe, si pasardhëse e gjuhëve Albano-Pellazge, në njërën anë, dhe të gjuhës së gjallë shqipe nga ana tjetër e cila siç thotë linguisti danez R.Rasku: “asnjë mjet tjetër për ta njohur prejardhjen e popujve dhe lidhjet e tyre në lashtësisinë e hershme nuk është aq i rëndësishem sa është e rëndësishme gjuha, kur mungojnë dokumentet historike”.
Shumë linguistë me famë botërore kanë vërtetuar se gjuha e një populli është arkivi dokumentar më i sigurtë për ta njohur historinë e një populli, ndërsa edhe sipas kësaj vepre, nga dita më ditë po del në dritë e vërteta e historisë së shqiptarëve, që nga koha kur albanët si popull i parë shkëputen nga populli Jafetik dhe nga gjuha Jafetike e cila merret si nënë e gjuhëve indo-europiane. /Europort.mk/
