Ideja për anëtarësim në Zonën evropiane ekonomike e cila mundëson treg të lirë evropian, këmbim të fuqisë punëtore dhe transport të lirë të mallrave, shërbimeve dhe kapitalit, sipas shefit të shtetit, Stevo Pendarovski, është e pranueshme vetëm nëse do të ishte plotësim dhe ndërmjet zonë drejt anëtarësimit tonë të barabartë në Bashkimin Evropian.
Presidenti Pendarovski në intervistë për MIA-n thekson se Zona evropiane ekonomike ofron mundësi ekonomike dhe na hapë drejt tregut të përbashkët evropian, por neve nuk na duhet vetëm ekonomia dhe përfitimi, por demokracia dhe përvoja politike.
Shefi i shtetit muajin e kaluar në konferencën onllajn për Ballkanin Perëndimor, organizuar nga “Miqtë e Evropës”, tha se vendit i është ofruar anëtarësim në Komunitetit evropian ekonomik, gjë që është refuzuar sepse, siç shtoi, nuk ka alternativë tjetër nga anëtarësimi i barabartë në BE.
Ideja që vendeve nga Ballkani Perëndimor t’u ofrohet alternativa – anëtarësimi në Zonën evropiane ekonomike, sipas gazetës gjermane “Frankfurter algemajne cajtung” (FAC) sërish del në sipërfaqe.
Sipas gazetës, aktualizimi i idesë së këtillë i redukton në minimum gjasat reale të vendeve nga rajoni për anëtarësim të plotë në BE.
FAC konsideron se BE-ja nuk dëshiron tërësisht të ndahet nga fqinjësia ballkanike, ndërkaq përmes Marrëveshjeve për stabilizim dhe asociim të vendeve nga rajoni tashmë u ofron ndërmjet shkallë drejt anëtarësimit të barabartë.
“Receta, e cila çdoherë rishtazi po përmendet, thotë: Anëtarësim i barabartë i shteteve ballkanike në Tregun e vetëm evropian. me fjalë të tjera: pjesëmarrje e plotë ekonomike pa të drejtë të votës politike”, thekson FAC.
