Kryetari i VMRO-DPMNE-së, Hristijan Mickoski, ja ka përmendur kryeministrit Zoran Zaev disa premtime për arsimin që kishte para se të vijë në pushtet. Ai akuzoi LSDM-në se me programin “Plani për jetë” i ka gënjyer qytetarët e vendit duke shtuar se së shpejti mashtrimeve do tu vijë fundi.
“Në rrenën më të madhe politike, të quajtur “Jetë në Maqedoni”, kanë thënë se do t’i motivojnë shkollat më të mira edhe atë, do t’i motivojnë të punësuarit në pjesën e të ardhurave mujore në nivel vjetor, respektivisht, të punësuarit do të merrnin rrogë më të madhe për 20% në pesë shkollat më të mira në nivel republikan dhe 10% tek shkollat e mesme në nivel republikan. Kjo jo vetëm që nuk është realizuar por, mjete të tilla nuk janë paraparë edhe në buxhetin për vitin 2020-të”, deklaroi Hristijan Mickoski kryetar i VMRO-DPMNE-së
