Parlamenti Evropian shprehet e pakënaqur nga vendimi i djeshëm i Bullgarisë, për të vendosur veto ndaj Maqedonisë së Veriut. Në një komunikatë të përbashkët, raportuesi për Maqedoninë e Veriut Ilhan Kyçyk dhe kryetari i delegacionit të Parlamentit Evropian për Maqedoninë e Veriut Andreas Shnajder kanë kërkuar të sillet vendim për fillim të negociatave pa shtyrje tjetër. Ata konsiderojnë se bllokimi i djeshëm nga Bullgaria për fillim të negociatave me Maqedoninë e Veriut e pengon pajtimin në gjithë rajonin.
Parlamenti Evropian
“Mossuksesi i ministrave për punë të jashtme që të miratojnë kornizën negociuese për Maqedoninë e Veriut duke shtyrë negociatat për anëtarësim në BE e rrezikon kredibilitetin e BE-së në Ballkanin Perëndimor”.
Eurodeputetët kërkojnë të jepet prioritet për çështjen evropiane në vend të interesave unilaterale të vendeve anëtare. Parlamenti Evropian konsideron se paaftësia të arrihet kompromis vjen nga vetoja e Bullgarisë dhe me këtë vendoset në rrezik i gjithë pajtimi i rajonit.
Parlamenti Evropian
“E njohim përparimin e realizuar nga ana e Shkupit në reformat themelore demokratike dhe ekonomike dhe thërrasim të gjitha palët të vazhdojnë me dialogun konstruktiv të bazuar në marrdhëniet e mira ndërfqinjësore dhe implementimin e marrëveshjes për fqinjësi, në përputhje me një proces objektiv inkuadures për BE, e bazuar në merita”.
Sipas Parlamentit Evropian, konferenca e parë ndërqeveritare duhet të mbahet deri në fund të këtij viti që të tregohet se ky dialog sjellë rezultate.
