Me tone të ngjashme si kryeministri Zaev, ndaj kushtëzimeve bullgare ka dalë edhe zëvendës kryeministri për euro integrime, Nikolla Dimitrov, i cili thotë se nëse BE lejon që në ndonjë mënyrë gjuha maqedonase të jetë pengesë për Maqedoninë e Veriut, atëherë ajo nuk do ta meritojë epitetin “evropian”.
Nikolla Dimitrov
“Mendon se është sfidë jo evropiane që gjuha maqedonase të bëhet pengesë për ardhmërinë dhe integrimin tonë evropian. Nëse BE lejon në ndonjë mënyrë kjo të bëhet pengesë, atëherë nuk do ta meritojë epitetin “evropian” në emrin e saj. Nuk e dij nëse do të mund të besojmë në një Bashkim të tillë Evropian. Nevojitet guxim dhe respekt, nuk ka miqësi pa respekt të ndërsjellë. Të gjithë ata që duan të jenë miq dhe të afërm me popullin maqedonas duhet të pranojnë se kush jemi ne dhe çfarë gjuhe flasim – ne flasim gjuhën maqedonase. Pa respekt elementar nuk mund të zhvillohet afërsia ose miqësia. Askush tjetër në botë, asnjë shtet tjetër, as fqinje dhe as e largët, as ndonjë organizatë ndërkombëtare nuk ka të drejtë të përzihet në vetëpërcaktimin tanë”
