Se a do të fillojë ose jo viti shkollor më 1 shtator, ende nuk dihet, pasi siç deklaroi ministri në largim i Arsimit dhe Shkencës, Arbër Ademi, Qeveria duhet nesër ose pasnesër ta miratojë planin e Ministrisë së Arsimit dhe Shkencës dhe të propozojë ndryshime ligjore në Kuvendin e Maqedonisë së Veriut.
“Për 1 shtator që të fillojë viti shkollor, nvaret nga gjendja epidemiologjike nën një dhe nën dy nga ndryshimet ligjore. Tashmë kemi parlament funksional, Qeveria gjatë ditës së nesërme ose më së voni pasnesër, do të duhet ta miratojë planin e Ministrisë së Arsimit dhe t’i propozojë Kuvendit ndryshimet adekuate ligjore me çka sigurohet baza e nevojshme juridike për organizim të procesit arsimor kështu siç po planifikojmë”, tha Arbër Ademi, ministër i Arsimit dhe Shkencës/TV21
