Xhabir Deralla nga Qendra për Liri “CIVIL”, vlerëson se edhe përkundër shumicës së brishtë, një Qeveri me mandat të plotë katërvjeçar është e mundshme. Në një deklaratë për të përditshmen KOHA, ai thotë se mandati i plotë i Qeverisë është edhe i nevojshëm pasi siç shprehet ai, zgjedhjet e shpeshta paraqesin shok për qytetarër. Ai kujton se edhe në përbërjen e kaluar nuk kishte shumicë më të madhe, por megjithatë siguroheshin numrat për vendime të reëndësishme.
“Që Qeveria të jetë me mandat të plotë katërvjeçar nuk ka të bëjë me atë se ka apo jo shumicë solide, por sa ka mirëbesim mes partnerëve të koalicionit, si dhe suksesi i realizimit të pikave programore”, nënvizon ai. Edhe Xhabir Deralla nga Qendra për Liri “Civil” thotë se asnjëherë nuk është keq të jesh optimist, veçanërisht nëse ke planë të mirë. “Do të ishte mirë që ky shtet njëherë të ketë një Qeveri me mandat të plotë katërvjeçar, pasi zgjedhjet e shpeshta janë bërë shok për të gjithë ne. Besojë se ekzistojnë proporcione në Parlament që shkojnë në drejtim të këtij premtimi, pavarësisht se është apo nuk është e brishtë kjo shumicë parlamentare. Edhe në Qeverinë e kaluar kishte shumicë të brishtë parlamentare, por kur ishte e nevojshme – sigurohej edhe shumicë e dy të tretave të deputetëve, sidomos për ligjet sistemore”, deklaroi për KOHA, Deralla.
