Përmes një postimi në faqen e tij personale, kryetari i LSDM-së, Zoran Zaev, ka sqaruar bisesën e fundit të publikuar në portale të afërta me opozitën maqedonase. Ai ka akuzuar se ky është një manipulim i VMRO-DPMNE dhe BDI, ndërsa ka sqaruar se në atë bisedë kurrë nuk ka përdorur fjalë ofenduese për shqiptarët dhe të njëjtën e kampërdorur bashkëbiseduesi i tij. Zaev më tej shkruan se ka thënë dhe vazhdon të thotë se BDI nuk vlen pesë pare në tregun e votave, ndërsa shton se për raportin me shqiptarët ai është dëshmuar shumë më herët. Në fund Zaev ka shkruar se vota për BDI është votë për Mickoskin dhe Gruevskin.
Postimi i plotë i Zoran Zaev:
🇲🇰 🇦🇱
BDI nuk vlen pesë pare në tregun e votave. Ky është qëndrimi im sot, ishte qëndrimi im edhe atëherë, në kohën kur u inçizua biseda e publikuar sot. Kishin 20 deputetë, u përgjysmuan në 10, në këto zgjedhje do të kenë edhe më pak.
Sidoqoftë, përkundër faktit që BDI nuk vlen as për pesë pare, më 27 prill 2017, unë mbrova jetën e Talat Xhaferit me jetën time.
Kam treguar dhe dëshmuar dashurinë dhe respektin tim për shqiptarët me vepra. Jo vetëm me fjalë por me vepra. E sollëm Ligjin për gjuhët, kujdesemi për të gjitha komunitetet, kam qenë i pari që u kam bërë thirrje maqedonasve që të votojnë për shqiptarët dhe shqiptarët për maqedonasit, kam qenë i pari që hapa partinë për zyrtarë të lartë shqiptar, isha i pari që formova një koalicion parazgjedhor me një parti shqiptare dhe personalisht dhe familjarisht jam i lidhur me shqiptarët, jam kumbar i Muhamed Zekirit dhe kjo është një kënaqësi e madhe për mua.
I gjithë publiku dëgjoi se unë nuk shqiptova askund fjalën që është ofenduese për bashkëqytetarët e mi shqiptarë, por këtë e bëri bashkëbiseduesi në bisedën e inçizuar.
Një përpjekje e tillë e ulët dhe e dëshpëruar më nxit që të punoj edhe më shumë për konceptin „një shoqëri për të gjithë“, konceptin për të cilën unë jam udhëheqës. Do të vazhdoj ta bëj këtë, me respektin e duhur për të gjithë bashkëqytetarët e mi nga të gjitha bashkësitë etnike.
Shpallja e këtij manipulimi të turpshëm dëshmon edhe një herë se vota për BDI është votë për Mickoskin dhe Gruevskin.
