Katër persona janë lënduar më lehtë në katër nga gjithsej 11 aksidente që dje kanë ndodhur në rajonin e SPB Shkup. Në shtatë aksidente është shkaktuar dëm material.
Nga SPB Shkup informojnë se dje policia rrugore ka sanksionuar 12 shoferë të cilët kanë lëvizur me shpejtësi më të madhe se e lejuara, ndërsa nga komunikacioni janë përjashtuar 10 shoferë të cilët kanë vozitur nën ndikimin e alkoolit, 13 shoferë para se të marrin të drejtën e vozitjes dhe dy fillestarë. Janë përjashtuar edhe 11 automjete të paregjistruara dhe një automjet teknkisht i parregullt.
Janë sanksionuar 30 shoferë për mosmbajtjen e rripit të sigurimit dhe 19 shoferë të cilët kanë shfrytëzuar celularin gjatë vozitjes. Policia rrugore ka sanksionuar edhe pesë shoferë të cilët kanë kaluar në udhëkryq në dritën e kuqe të semaforit, dy shoferë për rreshtim të parregullt, gjashtë shoferë për parakalim të parregullt dhe dy shoferë për mosdhënies të përparësisë së kalimit për automjetet në zonën e udhëkryqit.
Janë hasur edhe 100 automjete të parkuara në mënyrë të parregullt, ndërsa me ndihmën e karrotrecit janë larguar 75 automjete.
