Ministri i Shëndetësisë, Venko Filipçe në konferencën për shtyp ka informuar se janë testuar sot 12 persona nga koronavirusi, ku gjashtë prej tyre janë pozitivë. Pesë persona janë nga Dibra, ndërsa nja paciente ka arrit nga Spanja.
Në vend, siç ka shtuar ai, tani ka gjithsej 18 pacientë të diagnostikuar me këtë sëmundje.
“Pesë pacientët e ri të infektuar janë në spitalin në Dibër dhe atje do të mjekohen. Atje ka kuadër, epidemiolog dhe dy infektologë të cilët mund t’i mjekojnë këto pacientë”, ka thënë Filipçe dhe ka shtuar se të gjithë janë me fotografi të lehtë klinike, ftohje.
Ministri Filipçe ka informuar se Qeveria ka formuar Shtab të krizës me të cilin do të udhëheq kryeministri Oliver Spasovski ndërsa do ta përbëjnë ministri i Shëndetësisë, Mbrojtjes, Punëve të Brendshme, Transport dhe Lidhje, Financa, Arsim dhe Shkencë, Punë të Jashtme, drejtori i Qendrës për menaxhim me kriza dhe Drejtoria për mbrojtje dhe shpëtim.
Shtabi i krizës do të mblidhet në baza ditore në hapësirat e Qeverisë, menjëherë pas takimit të Komisionit për sëmundje ngjitëse në Ministrinë e Shëndetësisë.
