Edhe zyrtarisht, kryetari i Kuvendit, Talat Xhaferi sot në një konferencë për media ka shpallur zyrtarisht zgjedhjet parlamentare të 12 prillit.
Vendimin e nënshkruar ai njoftoi se e ka dorëzuar deri në KSHZ, në Ministrinë e Punëve të Jashtme dhe atë të Drejtësisë.
“Pasi liderët vendosën ta kthejnë mandatin tek sovrani e drejta e tyre është që tani të shfrytëzojnë të drejtën e votës”, tha mes tjerash Xhaferi.
Ai kujtoi se vendi është shumë afër përmbushjes së aspiratave evopriane, duke përmendur suksesin e anëtarësimit në NATO, që tashmë ka mbetur vetëm çështje ditësh, si dhe avancimin e procesit të integrimeve në BE.
“U bëj thirrje të gjithë pjesëmarrësve në zgjedhje që të kemi zgjedhje fer, të lira dhe demokratike, si kusht për ecjen e mëtutjeshme në rrugën evropiane”, deklaroi Xhaferi.
