Kah mesi i javës së ardhëshme përfundimisht priten reshje të borës të cilat kanë munguar këtë dimër pas një kohe shumë të gjatë. Meteorologët paralajmërojnë se deri të martën do të mbajë mot stabil me temperatura relativisht të larta për këtë periudhë të vitit, ndërsa të mërkurën përfundimisht arrijnë reshjet e para të borës, bën të ditur Europort.mk.
“Ndryshim më të madh të motit do të ketë nga e marta, kah mbarimi i ditës, që do të shoqërohet me rritje të vranësirave, erë të forcuar dhe rënie e dukshme e temperaturave. Gjatë natës drejt të mërkurës, si dhe gjatë ditës së mërkurë në vendet më të ulëta do të ketë reshje të shiut dhe borës, ndërsa në male dhe vendet më të larta vetëm reshje të borës”, njoftojnë zyrtarisht nga Drejtoria për punë hidro-meteorologjike e Maqedonisë së Veriut. /Europort.mk/
