Aksion masiv për pyllëzim të vendbanimit Straçincë në Karadakun e Shkupit do të mbahet sot, në organizim të komunës Gazi Babë, ndërsa do të mbillen 15.000 drunj të llojit akacie.
Aksioni, siç bëri të ditur Ministria e Bujqësisë, Pylltarisë dhe Ekonomisë së Ujërave, realizohet me qëllim që ky rajon të mbrohet nga erozioni, sepse ka predispozita natyrore për këtë, por edhe që të pyllëzohen rajonet të cilat gjatë verës së këtij viti ishin kapluar nga zjarret.
Në këtë ngjarje do të marrin pjesë ministri i Bujqësisë, Pylltarisë dhe Ekonomisë së Ujërave Trajan Dimkovski dhe kryetari i Komunës së Gazi Babës Boris Georgievski, ndërsa nga Komuna paralajmëruan praninë edhe të presidentit të shtetit Stevo Pendarovski dhe zëvendësministrit të Mjedisit Jetësor dhe Planifikimit Hapësinor Jani Makraduli.
