Kreu i Lëvizjes BESA, Bilal Kasami I ftuar në emisionin ‘Click Plus’ ka thënë se partia e tij, nëse do të kishte mundësi që të formonte qeveri do të koaliciononte vetëm me fituesin e bllokut maqedonas, përcjell in7.
Më tej ai ka thënë që nëse VMRO-DPMNE kolicionon me BDI, pas zgjedhjeve për formimin e shumicës qeverisëse, atëherë, sipas tij, ka mundësi që në postin e kryeministrit të ulet Nikolla Gruevski.
Sipas tij, kryeministri aktual, Zoran Zaev është mashtrues që nuk i qëndron fjalës së tij.
Ndërkaq sa i përket anëtarësimit në NATO, Kasami ka thënë se Maqedonia e Veriut duhet të ndjekë shembullin e Malit të Zi.
Për Kasamin ka qenë vendim i gabuar që Ligji për përdorimin e gjuhëve është dërguar në Komisionin e Venecias.
