Kryeministri i vendit, Zoran Zaev dhe ministrja e Punës dhe Politikës Sociale, Mila Carovska, kanë zhvilluar sot një takim me shfrytëzuesit e ndihmës sociale dhe punëtorët social. Në këtë takim u bisedua për reformat sociale të zbatuara nga Qeveria dhe efektin e saj në praktikë. Kryeminsitri Zaev, në deklaratën e tij të dhënë para takimit, tha se përpos rritjes së ndihmës sociale, po investojnë edhe në rikualifikim të personave që janë të papunësuar që të munden të aktivizohen në tregun e punës.
“Kemi krijuar reformë sociale e cila tërësisht e ndryshon mënyrën se si kujdesemi për kategoritë e rrezikuara, qytetarët dhe në mënyrë të konsiderueshme e rrit ndihmën financiare që e marrin më të varfërit. Sistemi I ri mundëson mbështetje, trajnime dhë konsultime që të mundet çdo person të filloj të punoj. Ky process u mundëson njerëzve që përgjithnjë të dalin nga varfëria dhe mundëson shansë të barabartë për të gjithë”, deklaroi Zoran Zaev, Kryeministër.
