Dje sasi të mëdha të dheut kanë rëshqitur dhe kanë bllokuar rrugën drejr Banjës së Tetovës. Fatmirësisht nuk ka pasur viktima ose të lënduar edhe pse kjo rrugë frekuentohet çdo ditë, ndërsa në ato momente nuk ka pasur asnjë masë mbrojtëse.
Organizata joqeveritare “Eco Guerilla” ka publikuar një video ku shihet një eskavator duke hedhur dheun nga lart, e që duket se është shkaktari për shembjen e dheut në rrugën e banjës në Tetovë.
“Ne, duke pritur arsyetimin e radhës nga Komuna e Tetovës për “fatkeqësi natyrore” ose tërmet që ka ndodhur në rrugën e Banjës, tash na shfaqet videoja që shembja e dheut është shkaktuar nga punimet e bagerit. Në rrugë nuk ka pasur asnjë sinjalizim për mbrojtje, ka mundur të ketë edhe viktima. A e ka ndërmend Prokuroria t’a hetojë dikend në Tetovë apo do flej gjumë?”, theksohet në reagimin e “Eco Guerillës”.
VIDEO:
