Persona të pa përgjegjshëm kanë dëmtuar pajisjet rekreative në shëtitoren rreth Lumit Vardar në Gostivat. Ky ka qenë një nga investimet më të juatifikuara të autoriteteve lokale dhe njëherit një nga qendrat më të bukura rekreative në rajonin e Pollogut, njofton Europort.mk. Veçanërisht gjatë kohës së pandemisë, qytetarët e Gostivarit shfrytëzonin shëtitoren për relaks, me qëllim që të evitonin vendet e mbyllura e të merrnin freski në të njëjton kohë. Kryetari i Komunës së Gostivarit ka dal me apel ndaj bashkëqytetarëve e në veçanti personave që nuk kanë qenë të kujdesshëm, që të angazhohen të gjithë për ruajtjen e këtyre qendrave.
“Një nga investimet më të justifikuara publike që kemi bërë në qytetin tonë janë shëtitoret buzë lumit Vardar. Kemi krijuar një frymëmarrje për qytetarët të cilët mbushin hapsirat e këtyre rrugëve, por me keqardhje vërejmë se disa prej lojrave për fëmijë janë prishur nga abuzimi i pashpjegueshëm i individëve të papërgegjshëm.
Do ju kërkonim me dashamirësi që në vend që të shkatërrojnë pronën publike le të provojnë ta gëzojnë sepse kështu i ka hije gostivarasve të vërtetë”, ka shkruar Taravari. /A. Zeqiri /Europort.mk
