Me rastin e shënimit të 21 Marsit – Ditës së Ekologjisë, Komuna e Gostivarit bëri promovimin e Eko-patrullës dhe të aparatit mobil për matjen e ndotjes së ajrit. Eko-patrulla vendoset për herë të parë në qytetin e tonë, e aparati nga ana tjetër, lloji i të cilit pas Shkupit vjen në Gostivar, do na mundësoj tani e tutje matje dhe detektim të saktë të ndotjes së ajrit. Komuna e Gostivarit me këtë aparat tani finalizon rrjetin me aparate që kemi vendosur në disa lokacione për matjen e ndotjes. Për këtë vit kemi rritur pesë fishë më shumë se vitet e kaluara buxhetin për ekologji.
“Dua të falenderojë përgjegjësin e Departamentit të ekologjisë pranë Komunës së Gostivarit, Zudi Xhelili, përfaqësuesit e shoqatës ekologjike “Gv Eko”, ata të “Meseçina” dhe miqët e mijë, Arianit Xhaferi nga organizata jo qeveritare “Eko Guerila” nga Tetova dhe Xhabir Deralla nga “Civil”, të cilët gjithmonë na kanë ndihmuar në drejtim të përmirësimit të ambientit jetësor me përvojat e tyre. Faleminderit edhe shoqata tregtare “Inform” nga Shkupi që na solli aparatin mobil për matjen e ndotjes së ajrit”, deklaroi Kryetari i Komunës së Gostivarit, Arben Taravari.
