Burime të Alsat njoftojnë se nga aksioni i mbrëmshëm kundër trafikut të paligjshëm të lëndëve narkotike në “Bogorodicë” janë kapur 300 deri në 500 kilogramë marijuhanë. Policia mbrëmë fillimisht kishte ndaluar një kamion nën dyshime për posedim të lëndëve narkotike, pas çka janë kryer kontrolle dhe është sekuestruar sasia e marijuhanës. Jozartarisht mësohet se për momentin është ndaluar shoferi i kamionit. Kjo është sasia e dytë me lëndë narkotike që është kapur gjatë ditës së djeshme, pas kapjes së rreth 200 kg marihuanë në rajonin e Gjevgjelisë.
Mbrëmë policia ka zhvilluar një operacion anti-drogë, ndërsa janë kryer disa bastisje, mëson Alsat. Operacioni është zhvilluar në rajonin e Gjevgjelisë ndërsa sipas informacioneve të para janë kapur rreth 200 kilogramë lëndë narkotike. Burime thonë se ende vazhdojnë masat policore. Sipas të dhënave fillestare aksioni ka të bëj me shpërbërjen e një grupi për të cilin autoritetet po punojnë prej kohësh, me qëllim ndërprerjen e zinxhirit të shpërndarjes së drogës. Jozyrtarisht mësohet se në grupi është i përbërë nga njerëz me ndikim në këtë rajon.
