Gjatë një kontroll aksioni në zonën e trafikut të zhvilluar dje në territorin e Koçanit, janë sanksionuar 123 shoferë. Prej tyre 53 kanë vozitur me shpejtësi më të madhe se e lejuara, tetë pa patentë shoferi, gjashtë nën ndikimin e alkoolit, 17 automjete të paregjistruara, dhe 10 automjete me defekt që kryejnë transport publik, nga gjithsej 19 që janë dërguar për një kontroll të jashtëzakonshëm teknik, tha sot zëdhënësi i Ministrisë së Punëve të Brendshme Toni Angellovski.
Tone Angellovski, zëdhënës i Ministrisë së Punëve të Brendshme
“Në nëntor të vitit 2020 krahasim me nëntor të 2019, kemi zvogëlim prej 21%, ndërsa kur i krahasaojmë dhjetorin e vitit 2020 me dhjetorin e vitit 2019 kemi zvogëlim prej 23% të numrit të aksidenteve në trafik. Si rezultat i aktiviteteve të ndërmarra, viti 2020 është me numrin më të ulët të të vdekurve në historinë e akisdenteve në shtet”.
Kontrollet e intensifikuara, theksoi Angelovski, vazhdojnë sot dhe në ditët në vijim dhe është e qartë se kemi një zvogëlim të numrit të aksidenteve në trafik në periudhën kur zbatohen këto kontrolle. Ai gjithashtu, u bënë thirrje qytetarëve të respektojne rregullat për të rritur sigurinë e trafikut.
