Nuk bëhet fjalë për ndonjë Marrëveshje të re, protokoll ose aneks me Bullgarinë. Kështu deklaroi shefi i shtetit Stevo Pendarovski, në një intervistë për MIA-an.
Siç bëri të njohur ai, bëhet fjalë për një plan aksional, në të cilin nuk përmendet as identiteti, as gjuha dhe as kombi. Aty flitet siç shtoi për çështje anësore siç janë infrastruktura, arsimi, mediat e kështu me radhë. Për përmbajtjen e planit aksional njoftoi Pendarovski do të diskutohet në Komisonin për Çështje Evropiane, i cili do të mbahet gjatë javës së ardhëshme, por nuk e di nëse seanca do të jetë e hapur për opinionin.
Stevo Pendarovski, president
“Ajo që e di sigurt është se javën e ardhëshme në Komisionin parlamentar për Çështje Evropiane ose për Politikë të Jashtme, të dy ministrat kompetent Dimitrov dhe Osmani, sigurisht do të diskutohet edhe për zhvillimin më të ri të ngjarjeve në këtë drejtim, sa i përket dokumenteve. Nuk jam i sigurt nëse do të jetë i hapur për opinionin sepse ky do të jetë vendim i Komisionit”.
Pendarovski edhe nëjherë përmendi se duhet të ketë regjistrim të popullisë këtë vit, që të dihen saktë numrat. Siç tha, qysh në vitin 2002 kur është bërë regjistrimi i popullisë ka apsur qarqe nacionale që thonin se as në vitin 2002 shqiptarët nuk kanë qenë 20%. Më tej, kujtoi rastin kur shqipratëve ju është marrë e drejta e shkollimit në gjuhën amtare.
Stevo Pendarovski, president
“Gjeneratat më të vjetra ku bëjë pjesë edhe unë, ju kujtohet kur në fund të 80-tave të shekullit të kaluar ne kishim tentim plotësisht konkret nga Qeveria e atëhershme maqedonase që t’i marrë të drejta e etnisë shqiptare, duke hequr paralele në shkolla fillore dhe të mesme, madje kjo shkoi në shkaktim të incidenteve, kur në Haraçinë thyheshin mure të shqiptarëve, të cilët me siguri kanë qenë ose nuk kanë qenë, nuk i di nënshkrimet në atë kohë, në drejtimin e ndërtimtarisë. Pastaj kishte reagime. Më te rinjtë nuk e dinë këtë”.
Gjatë intervistës presidenti poashtu tha se ideja për anëtarësim në Zonën evropiane ekonomike e cila mundëson treg të lirë evropian, këmbim të fuqisë punëtore dhe transport të lirë të mallrave, shërbimeve dhe kapitalit, sipas tij është e pranueshme vetëm nëse do të ishte plotësim dhe ndërmjet zonë drejt anëtarësimit tonë të barabartë në Bashkimin Evropian.
