Nëse Bashkimi Evropian (BE) lë një vakum në Ballkanin Perëndimor, atëherë fuqitë e tjera që nuk ndajnë vlerat demokratike të Bashkimit do të hyjnë në atë vakum, tha Michael Roth, Sekretari i Shtetit për Evropën në Ministrinë e Jashtme gjermane, përcjell FLAKA.
Ai shprehu zhgënjimin që nuk kishte pasur progres në integrimin e vendeve të Ballkanit Perëndimor gjatë presidencës së Gjermanisë në Bashkimin Evropian për gjashtë muajt e fundit.
“Ne kemi nevojë urgjenca për sinjale pozitive për Ballkanin Perëndimor. Nuk është asgjë më pak se besueshmëria jonë”, i tha Roth Handelsblatt.
“Ne duhet ta shtyjmë atë. Paqja, pajtimi rajonal dhe demokracia në Ballkanin Perëndimor kanë një rëndësi qendrore strategjike për të gjithë Evropën, veçanërisht për fqinjën e afërt”, tha zyrtari gjerman.
Handelsblatt shton se fuqitë si Rusia, Kina dhe Turqia janë të interesuara në rajon.
“Nëse BE lë një vakum në Ballkanin Perëndimor, atëherë forca të tjera që nuk ndajnë vlerat demokratike të BE do të hyjnë në atë vakum për arsye gjeostrategjike. Ne jemi duke qëlluar veten në këmbë”, tha Roth.
