Qeveria e Maqedonisë së Veriut e përshëndeti miratimin e sotëm të pakos prej 70 milionë eurosh në kuadër të Instrumentit për Ndihmë Para-aderuese (IPA II) për financimin e qasjes së vendeve të Ballkanit Perëndimor me vaksinat kundër KOVID-19, të prokuruar nga vendet anëtare të BE-së nga ana e Komisionit Evropian.
“BE është miku ynë më i rëndësishëm dhe më i afërt në të gjitha fazat e pandemisë. Përshëndesim vendimin që të sigurohen 70 milionë euro për rajonin që të mbulohen harxhimet për vaksina për grupe prioritare si dhe pajisjen e duhur për tu kryer vaksinimi. Duke e pasur parasysh se vaksinimi në vendet anëtare filloi këtë fundjavë, do të pasojnë përpjekje të intensifikuara dhe koordinim i cili duhet të mundësojnë qasje të shpejtë deri tek vaksinat për Ballkanin Perëndimor si një hapërim i rëndësishëm drejt përfundimit të pandemisë”, deklaroi zëvendëskryeministri për Çështje Evropiane Nikolla Dimitrov.
Siç bëri të ditur SÇE, pakoja prej 70 milionë eurosh do të paguhet në formë të granteve të cilët do të ndihmojnë të mbulohen harxhimet për vaksinim për grupet prioritare në rajon, si dhe për pajisjen e duhur për vaksinim. Kjo do të ju mundësoj vendeve të Ballkanit Perëndimor të blejnë vaksina nga Marrëveshjet për blerje paraprake të BE-së me gjashtë prodhues, ndërkaq vendet anëtare individuale të BE-së do të shpërndajnë pjesë nga dozat e tyre të ndara më parë.
