EU integrime, lufta kundër dezinformatave dhe kërcënimeve hibride, antikorrupsioni, drejtësi, zgjedhje, regjistrimi, antinacionalizmi, vlerat e gjelbra dhe të drejtat e njeriut, janë disa nga temat për të cilat do të flitet në konferencën e CIVILit nën titullin “Perspektiva 2021”, që do të mbahet më 25 dhjetor, me fillim në ora 12.
Pjesëmarrësit në Konferencë do të hedhin një sy prapa, për arritjet dhe lëshimet, si dhe drejt vitit 2021.Cilat janë pritjet, rekomandimet dhe prognozat për Maqedoninë e Veriut në vitin e ardhshëm? Me rastin e Konferencës, CIVIL Media realizoi anketë me qytetaret dhe qytetarët e Shkupit, ndërsa ekipi i CIVILit do të përgatisë video materiale dhe artikuj me raporte dhe analiza, me të cilat do të tentojë të hap dhe ti shpjegojë perspektivat në disa tema dhe fusha kritike.
Konferenca do të transmetohet drejtpërdrejt, në Facebook profilin, si dhe në video kanalin e CIVILit.
Agjenda e konferencës është e mbushur dhe dinamike, secili folës do të flasë maksimum pesë minuta, dhe komuniteti në internet do të ketë mundësinë të komentojë dhe të bëjë pyetje. Përveç konferencës, CIVILi do të publikojë në platformën e saj mediatike një seri përmbajtjesh të rëndësishme për të tashmen dhe të ardhmen e Maqedonisë së Veriut gjatë festave të Vitit të Ri dhe Krishtlindjeve.
CIVILi i fton të gjithë autorët e interesuar të kontribuojnë me tekste, fotografi, video (selfie) ose të caktojnë një regjistrim, jo më vonë se 24 dhjetori, nëse duan të jenë pjesë e Konferencës. Sigurisht, Redaksia mbetet i hapur për artikuj mbi këto tema me theks të veçantë në perspektivat në vitin 2021 dhe pas datës së Konferencës së CIVILit.
