Gratë më të suksesshme menaxhere për vitin 2019 do të promovohen sonte në manifestimin që tradicionalisht tashmë 24 vjet e organizon agjencia “Marili”.
Gratë më të suksesshme menaxhere për vitin 2019 janë zgjedhur sipas kritereve tashmë të vendosura, vijnë prej kompanive të suksesshme prej fushave të ndryshme nga i gjithë shteti. Ato më shpesh kanë qenë të rekomanduara, por, megjithatë, është respektuar dhe pëlqimi i tyre personal që të jenë pjesë e kësaj përzgjedhje.
Gratë më të suksesshme menaxhere për vitin e kaluar janë Merita Ramadani Alimi, drejtoreshë për biznes dhe zhvillim në DOGAN Air Conditioning Solutions – Shkup, Maja Babiq, menaxhere ekzekutive dhe operative në “Bagi Komunikime” – Shkup, Tatjana Dejanoska, drejtoreshë për shitje në “Ciklama inxhiniering – Gostivar, dr. Daniela Dimitrova, pronare e Qendrës për Mjekësi Dentale dhe Estetike “Perla” – Shkup, Natalija Drenkovska, menaxhere për çështje administrative dhe furnizim në TAV Maqedoni, Ollga Josevska, menaxhere në “Comodita Home” – Maqedoni, Daniela Kitanova, Menaxhere në Elektrodistribuim Shkup, Grupi EVN, Magdica Kostadinova, menaxhere ekzekutive e “Euro Konsalt Plus” – Shkup dhe “EKP Travel” – Shkup, Marija Kukunovska, drejtoreshë e përgjithshme e “BISPAG Teknik zjarrfikëse” Shkul dhe Zaneta Xhafer, menaxhere e përgjithshme e “Zhanet Estetik” – sallon bukurie.
Në zgjedhjen e sontme “Zgjedhja e 10 grave më të suksesshme menaxhere nga Maqedonia”, do t’i ndalet mirënjohje speciale dr. Milena Stefanoviqit, drejtoreshë e Klinikës Universitare për Sëmundje Infektive dhe Gjendje Febrile, për menaxhim të suksesshëm në kushte të gjendjes së jashtëzakonshme të imponuar nga pandemia me Kovid-19.
Gjithashtu, për shkak të mbështetjes së vazhdueshme të menaxhimit i grave dhe të projekteve të agjencisë “Marili” nga vitit 2018 deri në 2020, mirënjohje do t’i ndahet edhe minisrtres së Arsimit dhe Shkencës Milla Carovkës.
Manifestimi do të pasurohet me performancën e harpistes Mersiha Shukri.
