Nga momenti i ardhjes së ministrit nga opozita në MPB, atje kanë ndodhur punë shumë të çuditshme dhe shumë degradime që nuk është dashur të ndodhin nëse duam të kemi polici siç dëshirojmë të gjithë, ka deklaruar sot kryeministri teknik Oliver Spasovski i pyetur për funksionin ku do të kalojë si ministër me zgjedhjen e qeverisë së re.
Ka shtuar se i ndjek informacionet nëpër media dhe se do të vazhdojë të sjellë vendime përmes dialogut.
“Nuk do të doja të flas para kohe. Nga momenti kur Parlamenti do ta votojë qeverinë do të ulem dhe do të shoh çka është bërë në periudhën e kaluar prej nëntë muajsh dhe kuptohet se siç kam zhvilluar dialog edhe më parë do të ulem të bisedoj edhe me të punësuarit dhe Sindikatat. Prioritet i lartë është se patjetër të ndërtojmë polici profesionale e cila do t’i shërbejë shtetit dhe qytetarëve”, ka deklaruar Spasovski.
