Lideri i LSDM-së dhe mandatar për përbërjen e qeverisë, Zoran Zaev sot deklaroi se propozimi për qeverinë e re do të parashtrohet pasi që të zgjidhen nënkryetarët e Kuvendit.
“Së pari Parlamenti duhet ta konstatojë numrin e nënkryetarëve në Parlament dhe disa vendime të tjera, e gjithashtu, duhet ta verifikojë mandatin e deputetëve të ardhshëm të cilët vijnë nga listat. Sapo të përfundojë Kuvendi me të gjitha këto procedura paraprake, menjëherë do t’ia parashtroj Parlamentit propozimin për qeveri dhe program qeveritar” deklaroi Zaev për TV21.
Ai u përgjigj pozitivisht në pyetjen nëse bëhet fjalë për deputetë të cilët janë në vijim të listës për deputetë, pasi që disa u propozuan për ministra.
Afati deri në të cilin duhet të parashtrohet propozimi për përbërje të qeverisë së re është 2 shtatori.
