CIVILi, organizatë për të drejtat dhe liritë e njeriut që i vëzhgon proceset zgjedhore që nga viti 2008, u dërgoi mesazh 314 vëzhguesve të saj në mediat sociale para se të fillonte heshtja zgjedhore çdo vëzhgues i CIVILit respekton ligjet dhe Kushtetutën e RMV, Kodin e Vëzhgimit dhe Kodin Zgjedhor, si dhe parimet themelore të ekskluzivitetit dhe paanshmërisë dhe respektimin maksimal të masave për mbrojtje nga koronavirusi.
Në pritje të zgjedhjeve parlamentare, CIVILi sot ka publikuar informata për procesin zgjedhor me një varg tekstesh edukativë në platformën mediatike. Për informata plotësuese për procesin zgjedhor dhe votimet, ju rekomandojmë të informoheni në https://vote.civil.org.mk/…
Monitorimi regjistron një rast të aktivitetit propagandist të një partie të caktuar në një komunë në rajonin lindor, ku, megjithëse nuk është propagandë direkte në rrjetet sociale, bëhet fjalë për një tubim të vogël partiak në vend publik, që është në kundërshtim me parimet e respektimit të heshtjes zgjedhore. Njëkohësisht, vërehet se të pranishmit nuk i respektojnë masat për mbrojtjen nga koronavirusit. Shpërndarje e fletushkave nga një parti politike gjatë heshtjes zgjedhore regjistrohet në qendër të Shkupit.
27 përmbajtje të sponsorizuara janë regjistruar në një shpallje politike në Facebook nga gjashtë parti politike deri në orën 10 të mëngjesit të sotëm. Një parti politike ka publikuar një video me mesazhe të propagandës politike një orë pas mesnatës. gjegjësisht pas fillimit të heshtjes zgjedhore. E njëjta parti aktualisht ka tre përmbajtje të sponsorizuara.
Dy faqe në Facebook, të afërta me parti politike të caktuar, postojnë përmbajtje propagande gjatë heshtjes zgjedhore.
Gjatë heshtjes zgjedhore, një orë pas mesnate, pati një postim me gjuhë të urrejtjes kundër CIVILit dhe përfaqësuesve të organizatës në baza etnike dhe politike. Postimi në Facebook, në faqen e njohur e për një kohë të gjatë shërben si burim i lajmeve të rreme dhe gjuhës së urrejtjes, gjithashtu kishte një numër kërcënimesh serioze për organizatën dhe jetën e bashkëpunëtorëve të saj. Njoftimi u shkarkua pasi ishte në internet për rreth 10 ose 11 orë, domethënë gjatë kontrollit në 10 të mëngjesit, ky postim njoftim nuk figuronte më në faqen.
Platforma mediatike e CIVILit rregullisht boton informata nga monitorimi i organizatës në gjuhë maqedonase dhe shqipe.
