Në nder të iluministëve mbarsllovenë Shën Cirili dhe Metodi, 24 Maji, sot në bazilikën San Klemente në Romë, delegacione të Republikës së Maqedonisë së Veriut dhe Republikës së Bullgarisë, kanë vendosur lule në varrin e Shën Cirilit.
Delegacionet, siç informojnë nga Kabineti i presidentit Stevo Pendarovski, i kanë udhëhequr ushtruesit e detyrës në ambasadat e RMV-së në Fronin e Shenjtë dhe Republikën e Italisë, Aleksandar Spirkovski dhe Magdalena Dimova, si dhe nikoqirët e tyre nga pala bullgare, ambasadorët Bogdan Patashev dhe Todor Stojanov.
Për shkak të situatës aktuale me Kovid-19, manifestimet tradicionale lidhur me shënimin e Ditës së Shën Cirilit në Romë, janë anuluar për më vonë, gjatë vitit, thuhet në kumtesën lëshuar nga Kabineti i Pendarovskit.
