Në prag të Samitit të nesërm BE – Ballkani Perëndimor, Grupi i Socialistëve dhe Demokratëve (SD) në Parlamentin Evropian publikoi deklaratë në të cilën kërkon që liderët evropianë ta bëjnë të qartë se zgjerimi është politikë më e suksesshme e Unionit dhe kërkojnë zbatim më të shpejtë të vendimit për fillimin e negociatave aderuese me Maqedoninë e Veriut dhe Shqipërinë, lajmëroi korrespondentja e MIA-s nga Brukseli.
Samiti partiak i socialdemokratëve evropianë do të mbahet nesër, përmes video konferencës, para fillimit të takimit të liderëve BE – Ballkani Perëndimor, në të do të marrin pjesë liderët e partive anëtare të Grupit të Socialdemokratëve, mes të cilëve edhe lideri i LSDM-së, Zoran Zaevi, si dhe kryetari i parlamentit Evropian, David Sasoli dhe shefi i diplomacisë, Zhozep Boreli.
Socialdemokratët në deklaratë përkujtojnë se zgjerimi “e ka bërë Unionin më me ndikim, e ka përforcuar kapacitetin e saj që të sjellë ndryshime pozitive në vendet kandidate” dhe kërkon “BE-ja qartë të thotë se është partner kryesor për rajonin kur bëhet fjalë për ndërtim të demokracisë dhe drejtësisë sociale”.
Partitë e qendrës së majtë në Parlamentin Evropian kërkojnë kushtëzim të qartë me reforma në procesin euroatlantik, para së gjithash lidhur me sundimin e të drejtës,luftën kundër korrupsionit, respektimin e të drejtave të njeriut dhe lirive të mediave.
Ata kërkojnë, gjithashtu, rishikim të veçantë të dimensionit social në procesin e anëtarësimit në BE, që të krijohen kushte më të mira për punë dinjitoze, me çfarë, shpresojnë, do të ulen tensionet sociale dhe do të parandalohet derdhja e trurit nga rajoni, si dhe eliminimit të konkurrencës së padrejtë sociale dhe ekonomike në BE.
