Ministri i Shëndetësisë, Venko Filipçe, theksoi se vendi është i gatshëm dhe ka organizuar kapacitete për muajt e ardhshëm, veçanërisht për fillimin e vjeshtës, kur, siç tha ai, do të ketë valë të re të sëmurëve, por edhe ngarkesë shtesë me gripin sezonal.
“Ne jemi duke e bërë praktikisht planin, një pjesë të mirë edhe kemi bërë, çfarë dhe si duhet të organizohen kapacitetet për muajt e ardhshëm, veçanërisht për fillimin e vjeshtës, kur jemi mjaft të sigurtë se do të kemi valë të re të sëmurëve, ngarkesë shtesë me gripin sezonal. Tashmë jemi duke u rireshtuar, tani kemi mësuar se çfarë dhe si ta bëjmë atë. Kemi kapacitete shtesë në Klinikën Infektive ‘8 Shtatori’, spitalin dimë si ta organizojmë dhe paralelisht me këtë nuk ka vonesa edhe për pacientët kronikë, që tani janë anuluar”, tha Filipçe në konferencën e sotshme për shtyp në përgjigje të pyetjes së gazetarëve.
Sipas ministrit Filipçe, çdo vend deri tani ka mësuar se sistemi i shkëmbimit të përvojave përmes OBSH-së është i mirë dhe se sfida tjetër që do të vijë në muajt e vjeshtës do të menaxhohet shumë më mirë nga të gjitha shtetet.
Ministri i Shëndetësisë, konsideron se numri i pacientëve është amortizuar mirë, shkalla e vdekshmërisë është në korniza, njëjtë ndodhë edhe në rajon, por shtoi se ende është herët për të nxjerrë konkluzion të përgjithshëm.
