Ministri i Shëndetësisë, Venko Filipçe paralajmëroi se gjatë javës në funksion do të vendosen dy laboratorë shtesë – laboratori në ASHAM dhe në Institutin për mjekësi ligjore me çka do të shkurtohet koha e pritjes së rezultateve nga testet për koronavirus.
“Me këtë kapaciteti i numrit të testimeve gjatë ditës rritet për 50 deri në 100 me çka në mënyrë praktike do të eliminohet pritja e gjatë e rezultateve, duke e pasur parasysh numrin e madh të briseve që arrijnë në laboratorin e ISH-së”, ka thënë Filipçe në konferencën e sotme për shtyp në Qeveri.
Në përgjigjen e gazetarëve sqaroi se qëllimi është që të shkurtohet koha e pritjes dhe rezultatet të merren për një ditë, gjegjësisht 24 orë.
Për momentin bëhet, tha edhe riorganizim i laboratorit në ASHAM, i cili nuk është i dizajnuar për një lloj të tillë të diagnozës, ndërsa pritet deri të mërkurën më së voni të enjten ky sistem të jetë gati, gjegjësisht pritja e rezultateve të reduktohet në 24 orë.
Filipçe paralajmëroi edhe zbatim të skriningut në Dibër duke e pasur parasysh se atje më nuk ka të rinj të infektuar, ndërsa të gjithë pacientët po shërohen, për çka do të shfrytëzohet donacioni prej 20,000 testeve për skrining për antitrupa.
“Do të bëjmë një skrining në numër prej 20-30 për qind të popullatës së përgjithshme në rajonet në të cilat deri më tani ka pasur masa të restriksionit të lëvizjes të vendosura që para situatës së jashtëzakonshme me çka duam të bëjmë skrining të popullatës dhe të vlerësohet imuniteti, që do të jetë një shembull i shkëlqyer për atë çka o të mund të presim edhe në nivel të tërë shtetit në atë moment kur do të vendosim se duhet të bëhet skrining i tillë me antitrupa në pajtim të kohës së epidemisë, gjegjësisht koha në të cilën gjendemi në lakore epidemiologjike”, theksoi Filipçe.
Shtoi se tani më është bërë edhe orar për ndarjen e një milionë maskave mbrojtëse të dhuruara nga Republika e Çekisë, të cilat do të distribuohen deri tek të gjitha institucionet në pajtim me nevojën e tyre.
Nga fundi i kësaj jave pritet të arrijë edhe ndihma nga SHBA-ja, në pajisje mbrojtëse, e cila, gjithashtu do të distribuohet në mënyrë përkatëse ose do të plotësohen rezervat në Ministrinë e Shëndetësisë.
