Gjatë 24 orëve të fundt janë diagnostifikuar edhe 29 raste të reja me korona virus, ndërsa për herë të parë është diagnostifikuar rasti i parë në Kumanovë.
Në grupin e rasteve të reja 22 janë në Shkup, 3 në Shtip, 2 në Dibër, 1 në Kumanovë dhe 1 në Ohër.
Bashkë me këto, numri i përgjithshëm i të infektuarve me KOVID-19 arrin në 114, njoftoi Ministria e Shëndetësisë.
Sipas vendit të banimit numri i përgjithshëm i të infektuarve janë si vijon: Shkup (65), Dibër (36), Shtip (7), Kavadar (2), Ohër (2), Gostivar (1) dhe Kumanovë (1).
Në Klinikën për sëmundje infektive për momentin janë hospitalizuar 24 pacientë. Shtatë pacientë janë në trajtim me oksidhen, 11 janë në gjendje stabile. Nesër pas skadimit të 14 ditëve nga diagnoza, tek 6 pacientë do të bëhen testime. Prej tyre 5 janë në gjendje të mirë, ndërsa tek pacientja e cila kishte përkeqësim të gjendjes, ende është në aparat për frymëmarrje.
Pacientët që janë në kurim shtëpiak janë në kontakt të vazhdueshëm me mjekët.
