Një grua pesëdhjetë e shtatë vjeçare nga Kumanova është viktima e parë e koronavirusit në vend. Institucionet kompetente mbrëmë vonë kanë diagnostikuar se gruaja ka qenë e sëmurë nga koronavirusi.
“Për fat të keq, e kemi viktimën e parë nga koronavirusi e cila në Kumanovë është diagnostikuar pas vdekjes mbrëmë vonë. Bëhet fjalë për grua e cila ka qenë 57 vjeçe. Lidhur me pranimin dhe trajtimin duam të theksoj se kolegët kanë vepruar konform protokollit të izolimit, me kohë janë marrë dy teste dhe të dyjat kanë treguar rezultat negativ. Por, edhe krahas rezultateve negative dhe asaj që sëmundja ka qenë tipike për koronavirusin ajo është trajtuar në izolim. Ajo periudhë e hospitalizimit ka zgjatur javën e kaluar në Spitalin e përgjithshëm në Kumanovë, ndërsa mostër është marrë pas konstatimit të vdekjes ditën e djeshme dhe ai ka qenë pozitiv”, ka thënë ministri Filipçe në konferencën për shtyp.
Ai ka thënë se mostra është marrë për shkak të përkeqësimit të gjendjes dhe siç tha, është jotipike për sëmundje tjetër dhe kjo ka detyruar mjekët të dyshojnë dhe të marrin edhe një, mostër të tretë.
“Bashkë me të është hospitalizuar edhe djali i viktimës dy tre ditë pas saj, gjatë javës së kaluar. Ai ka qenë 33 vjeç, ndërsa gjatë ditës së djeshme ka pasur komplikime dhe është izoluar në Klinikën e Pulmologjisë, ndërsa më pas sipas protokollit është transportuar në Klinikën Infektive ku tanimë është vendosur dhe i hospitalizuar në gjendje stabile shëndetësore”, theksoi Filpçe.
