Ministrja e ekonomisë, Nina Angellovska ka njoftuar për një masë të re për shtyerjen e pagesës së ratave të kredive për qytetarët dhe kompanitë për më së paku tre muaj. Për këtë qëllim, Banka Popullore ka ndryshuar rregullativën ndërsa pritet që urdhëresa të kalojë nesër në seancë plenare. Disa banka kanë shprehur gadishmëri që shtyerja të bëhet edhe der në 6 muaj, por për këtë do të dakordohen bankat me klientët e tyre.
“Qytetarët dhe kompanitë do të marin ofertë ose njoftim nga bankat për anulim të detyrimeve, pas çka do të duhet të shprehen nëse pajtohen me kushtet më të volitshme ose jo. Nëse nuk shprehen për 10 ditë, do të llogaritet se e pranon ofertën më të volitshme për shtyerje të ratës së kredisë. Pas miratimit të urdhëresës shpresoj që nesër do të sqarojmë gjithë procesin. Neve na takon të krijojmë mundësinë që pa shkuar qytetarët në banka ta përfitojnë anulimin e obligimeve dhe kjo do të bëhet”, deklaroi Angellovska.
Numri një i finansave në vend tha se nuk do të ketë rishikim të buxhetit për momentin, por do të ketë shkurtime ku Qeveria do të sjellë urdhëresa për realokim të mjeteve nga një shfrytëzues buxhetor tek tjetri. Ministrja e financave parashikon që shokun më të madh apo skenarin më të zi nga kriza e koronës ta përjetojmë në kuartalin e dytë të vitit. Në kuartalin e tretë pritet stabilizim dhe në të fundit përmirësim dhe ndoshta edhe rritje.
