Qeveria në seancën pas shpalljes së gjendjes së jashtëzakonshme dhe masës për orë policore, ka miratuar dekret me të cilin ka pezulluar të gjitha veprimet për kryerjen e zgjedhjeve parlamentare në Republikën e Maqedonisë Veriore, të planifikuara për 12 Prill 2020.
Me këtë dekret Qeveria e ka obliguar Komisionin Shtetërorë të Zgjedhjeve që e njëjta ta sigurojë dhe ta ruaj materialin dhe dokumentacionin zgjedhorë, deri në momentin kur të rifillon fushata dhe në momentin kur të kalojë gjendja e jashtëzakonshme.
Në dekretin e Qeverisë thuhet se KSHZ-ja, brenda një dite nga dita e mbarimit të gjendjes së jashtëzakonshme, do të publikojë në faqen e saj të internetit një orar të rishikuar për vazhdimin e veprimtarisë zgjedhore.
