Prej sot është në funksion Qendra e thirrjeve në Shtëpinë e shëndetit -Shkup me qëllim të rritet kapaciteti i linjave telefonike ku do të mund qytetarët të paraqiten, ndërsa nga e hëna edhe dy pikat në klinikat në “Janë Sandanski” dhe “Çair” për marrjen e mostrës për testim të koronavirusit. Poashtu nga e hëna caktimi i testit do të mund të bëhet edhe përmes mjekut amë, përmes sistemit “Termini im”, informoi sot ministri i Shëndetësisë, Venko Filipçe.
“Sot përfundoi takimi koordinues me Shoqatën e mjekëve amë të cilët do të përfshihen në caktimin përmes sistemit ‘Termini im’. Kjo do të thotë se nga e hëna përveç linjave telefonike për informacione në qendrat e Shëndetit publik në Qendrat e thirrjeve në Shtëpinë e shëndetit- Shkup pacientët do të mund të paraqiten edhe te mjekët amë që të caktohet marrja e materialit në dy pikat nëse ka indikacion sipas algoritmit elektronik që mjekët amë deri atëherë do ta kenë”, ka thënë Filipçe.
Ai ka përsëritur se gjendja me aparatet respiratorë është e mirë, se ka 120 pajisje respiratorë në dispozicion.
Ai tha se numri i diagnostikimeve me koronavirus në vend është në rritje edhe atë me raste të izoluara nga veçmë kllasterët ekzistues me të cilën të gjithë pacientët e diagnostikuar janë në korrelacion.
Ai ka thënë se gjatë natës janë konfirmuar edhe nëntë raste të reja dhe se numri i përgjithshëm deri në orën 12 në vend është 85 raste. Sipas vendbanimit të përhershëm, raste të Kovid-19 janë regjistruar në 6 qytete: Shkup, Dibër, Shtip, Kavadar, Gostivar dhe Ohër.
“Gjendja me pacientët në Klinikën infektive është në gjendje të pandryshuar. Pacientja me gjendje të rënduar është në aparat respirator, tre janë me pneumoni të rëndë, por aktualisht janë në gjendje të qëndrueshëm, ndërsa pacientët tjerë janë me pasqyrë më të lehtë klinike”, ka thënë Filipçe
