Kryetari i LSDM-së, Zoran Zaev ka përshëndetur vendimin e Qeverisë për gjendjen e jashtëzakonshme dhe e ka ftuar presidentin e shtetit që ta shpallë vendimin.
“Dëshmuam se jemi të aftë të ballafaqohemi me sfidat, tani duhet të fokusohemi në sfidën aktuale, të ruajmë shëndetin e qytetarëve”, tha Zaev.
Ish-kryeministri ka folur edhe për ratifikimin e protokollit për anëtarësimin e vendit në NATO nga Spanja.
“Arritëm të realizojmë ëndërrën tredekadëshe edhe përkundër të gjitha sfidave me të cilat ballafaqohemi. Kjo është verifikim I politikave të vërteta shtetërore. Në mandatin e fundit ishim të detyruam të fokusohemi në kthimin e shtetit në rrugën euroatlantike. Tani themeli është vendosur dhe duhet të punojmë në stabilitet, përparim dhe jetë më të mirë për të gjithë qytetarët. NATO nënkupton kufij stabil, siguri. U bëmë pjesë e NATO-s, radhën e ka prioriteti I dytë strategjik, Bashkimi Evropian”, tha Zaev. /SHENJA/
