Në villën presidenciale në Vodno ka filluar mbledhja e Këshillit për Siguri Kombëtare në të cilin marin pjesë kreu shtetëror dhe zyrtarë të sferës së sigurisë. Të ftuarit kanë kaluar nëpër masa të rrepta kontrolli për shkak të situatës së krijuar pas shfaqjes së rasteve të infektuara me korona virus.
Presidenti Pendarovski në konferencë për shtyp të premten paralajmëroi se do të shqyrtohen opsionet e mundshme për përballje me rrezikun nga përhapja e koronavirusit. Theksoi se ka tre opsione të cilat shtetit i qëndrojnë në dispozicion. Dy të parat që i ceki – angazhim i armatës edhe pa shpallje të gjendjes së krizës, tashmë janë vendosur dhe po zbatohen në komunat Dibër dhe Qendër Zhupë, prej ku janë numri më i madh i të sëmurëve.
Opsioni i tretë është shpallja e gjendjes së jashtëzakonshme për shkak të rrezikimit të shëndetit të qytetarëve i përmasave më të mëdha, por shefi i shtetit tha se sipas tij, tani për tani nuk ka nevojë për këtë, por, siç potencoi, lejon se mund të jetë edhe informata të tjera dhe ndoshta do të duhet të mendohet edhe për opsionin e tretë.
Pritet që në mbledhje të bëhet fjalë edhe për zgjedhjet e parakohshme parlamentare të caktuar për më 12 prill. Partitë deri më 22 mars, siç paralajmëroi, i vendosën nën moratorium aktivitetet në terren për zgjedhjet.
