Ministri i Punëve të Jashtme, Nikolla Dimitrov sonte apeloi që qytetarët të përmbahen nga udhëtimet jashtë vendit.
Dimitrov në konferencën për shtyp në Qeveri dërgoi mesazh edhe deri te ata shtetas tanë, të cilët kanë status të rregulluar dhe leje-qëndrimi në vendet ku janë duke qëndruar.
Prioritet i MPJ-së momentalisht janë qytetarët të cilët janë të bllokuar në vendkalimet kufitare në vendet e treta.
Grupi prej 200 shtetasve të vendit që janë ndaluar në kufirin serbo-hungarez janë të riorientuar përmes Rumanisë dhe Bullgarisë dhe në orët e mëngjesit duhet të arrijnë në Deve Bair, informoi Dimitrov.
Theksoi edhe se ka paralajmërime nga BE-ja për restriksione të mundshme në lëvizjen e njerëzve për shkak të përhapjes së koronavirusit.
