Qytetarët për dalje nga shtetit mund ta shfrytëzojnë vendkalimin kufitar drejt Bullgarisë – Deve Bair, pa kufizime, si dhe vendkalimin kufitar Aeroportin e Shkupit, informon MPB-ja.
“Qytetarët tanë mund të realizojnë hyrje në Republikën e Maqedonisë së Veriut vetëm në vendkalimet kufitare Tabanoc, Deve Bair, Bogorodicë. Qafë Thanë, Bllacë dhe Aeroportin e Shkupit. Shtetasit e huaj të cilët vijnë nga vendet me rrezik të mesëm dhe të lartë nuk mund të realizojnë hyrje në asnjërin prej këtyre vendkalimeve kufitare, gjegjësisht hyrja e tyre është e ndaluar. Njëherit, MPB-ja në mënyrë aktive është e përfshirë t’u ofrojë ndihmë automjeteve transportuese të bllokuara në hapësirën ndërkufitare”, kumtoi MPB-ja.
Prej atje theksojnë se MPB-ja në periudhën e fundit ka asistuar në Inspektoratin shtetëror të punës në zbatimin e vendimit të Qeverisë për mbylljen e objekteve hotelierike dhe shtojnë se një asistim i tillë do të vazhdojë edhe në periudhën në vijim.
“SPB Shkup dje pasdite në koordinim me Inspektoratin shtetëror të punës ka ndërmarrë masa për mbylljen e shtatë lokaleve në pjesën veriore të Shkupit të cilat nuk e kanë respektuar vendimin e Qeverisë… Apelojnë deri tek të gjithë qytetarëve në mënyrë të rreptë të përmbahen ndaj masave dhe drejtimeve të miratuara nga Qeveria lidhur me parandalimin e përhapjes së koronavirusit, ndërsa të gjithë personat fizikë dhe juridikë t’u përmbahen udhëzimeve të nëpunësve policorë. Të gjithë ata të cilët i shkelin rekomandimet e dhëna, do të sanksionohen në pajtim me nenin 205 dhe 206 nga Kodi Penal”, porositin nga MPB-ja.
